Argia

Argia: Ustelkeriaren eta gestio txarraren mapa Araban

Posted on Actualizado enn

Arabako erakunde publikoei lotuta atzeman diren balizko ustelkeria kasuak eta gestio desegokiak bildu dituAdi elkarteak bere webgunean. Adibide nagusiak ekarri ditugu hona.

Iradier Arena: Ekitaldiak egiteko Iradier Arena estadioa alokatzerakoan hainbat promotoreri Gasteizko Udalak egindako tarifa-beherapenetan irregulartasunak, pribilegio tratua eta delitu zantzuak atzeman ditu fiskaltzak, bai Patxi Lazcoz (PSOE) alkate zenean, baita Javier Marotoren (PP) garaian ere.

21 Zabalgunea: Gasteizko garapen urbanistikoaz arduratu den udal erakunde publikoa da 21 Zabalgunea. Erakunde honen bitartez, 2006an Alfonso Alonsoren (PP) udal gobernuak egindako erosketa bat ari da ikertzen Espainiako Kontu Auzitegia: lurrak erosi zituen 21 milioi euroren truke, alegia 45 euro ordainduta metro koadro bakoitzeko, batez besteko kostua metro koadroko 2-5 eurokoa zenean eta lur horiek Hiriaren Plan Orokorrak aurreikusten ez zituenean. Gertakaria preskribatua dagoela egotzita, ikerketa oztopatzen saiatu da Maroto. Bestalde, PPren legegintzaldian burutu gabeko hogei bat proiektutarako 51 milioi atera izana salatu du Patxi Lazcozek.

San Antonio kaleko lokalak: Alfonso Alonso Gasteizko alkate eta Javier Maroto Ogasun zinegotzia zirela (PP), San Antonio kalean Gonzalo Antón enpresariarekin sinaturiko kontratu susmagarriak (Antónek lokalengatik ordaindutakoaren bikoitza baino gehiago ordainduko ziotela hitzartu zuen Udalak) 7 milioi euroko zuloa utzi du.

De Miguel kasua: 2003-2007 legegintzaldian Zanbrana herrian Maria Justina Angulo (EAJ) alkate zela, ezerezean geratu ziren birkalifikatze urbanistikoak adostu zituzten eta prozesuan kobratutako ustezko komisio ilegalak 15,8 milioi eurora iritsi daitezkeela dio prentsak. Ustelkeriaren kontrako EAEko sumariorik handiena da, 30 inputatu ingururekin, tartean Zanbranako alkatea zena eta Alfredo de Miguel azpijokoaren ustezko burua (EAJ).

Ihurreko depositua. Gasteizko Ihurre kontzejuko ekaitz biltegiak 8 milioi euroko inbertsio publikoa izan zuen, Alonsoren legegintzaldiak bultzatuta. Espainiako Sare Elektrikoak ilegala zela ohartarazi zuen arren (goi-tentsioko linea baten azpian dagoelako) eraikitzen jarraitu zuten, jaramonik egin gabe. Deposituari ez zaio inoiz erabilerarik eman.

Epsilon: F-1 taldea sortzeko proiektuak, aurrera atera ez denak, 46 milioi euroko galerak utzi ditu funts publikoetan. Arduraduna, Joan Villadelprat, 900.000 euroko isuna ordaintzera eta hiru urteko inhabilitaziora zigortu dute.

Hiriko: Automobil elektrikoa egiteko proiektuak, gauzatu ez denak, 14,7 milioi euro xahutu ditu laguntza publikoetan (proiektuaren aurkezpenak bakarrik 166.000 euroko kostua izan zuen). Kasua ikertzen ari dira.

AP-1: AP-1 autopista mantentzeko Arabako Aldundiak (EAJ aginduan zela) Bidelan enpresarekin sinaturiko kontratuan prebarikazioa eta funts publikoen bidegabeko erabilera salatu ditu EH Bilduk eta salaketa tramitera onartu du Arabako Fiskaltzak. Lan beragatik bi aldiz ordaintzea eta ondorioz 3 milioi euroko gainkostua bere gain hartzea ekarri du kontratuak, nahiz eta orduko txosten tekniko eta juridikoek ohartarazi zuten kontratua kaltegarria zela Aldundiarentzat. Afera azaleratu ostean, kontratuari uko egin berri dio Bidelan enpresak.

Krea kultur gunea: 18 milioi euroko inbertsio publikoaren emaitza da Krea kultura garaikidearen sorkuntza eta zabalkuntzarako gunea, Gasteizen. Baina eraikin eta ondare publiko honetan unibertsitate amerikar pribatu bat ezartzeko saiakera abiatu dute.

Arabako Lanak: Kontratu publikoak nahieran eta zuzenean esleitzea leporatu dio PP buru duen Arabako Foru Aldundiari (honen baitako Arabako Lanak sozietate publikoari) Euskal Herriko Arkitektoen Elkargo Ofizialak, eta frogatzeko, diru kontuen auditoria egin dezala eskatu dio.

Swap-ak: 2006. urtetik 8,8 milioi euro galdu ditu Foru Aldundiak, obra publikoak finantzatzeko kontratatutako sei swap edo arriskudun finantza produktugatik. Diru gehiago ez galtzeko, swap-ak birnegozia ditzala eskatu du oposizioak.

Mikel Garcia Idiakez

Anuncios

#Epsilon auzia: Legebiltzarrak EAJk egindako kudeaketa txarretsi du @argia medio

Enlace Posted on Actualizado enn

Argia.com

imageEpsilon eta Hiriko auziengatik EAEko Legebiltzarrean egin den ikerketa batzordearen ondorioak onartu ditu Legebiltzarrak. 2007an karguan zeuden Jaurlaritzako eta hiru diputazioetako zenbait kideri erantzukizun politikoa eskatu zaie, automobilen industriari lotutako bi proiektuengatik.

EAJk izan ezik, Legebiltzarreko gainerako alderdi guztiek ikerketa batzordeak ateratako ondorioen alde bozkatu dute. Hiriko eta Epsilon automobilen enpresei emandako diru laguntza publikoak bidezkoak izan ziren edo ez aztertzeko sortu zen batzordea.

Leer el resto de esta entrada »

Araban kontrol publiko eta sozialdun kutxa desagertu da: VitalKutxak baja eman du kreditu entitateen erregistroan

Enlace Posted on Actualizado enn

Angelu Itsua

imageEstatuko Aldizkari Ofizialak irailaren 30ean argitaratu du (pdf) Arabako eta Gasteizko aurrezki kutxaren erabakia. Hala, ekainaren 30ean banku fundazio bihurtzeko hasitako bidearen azken urratsa da honakoa eta aurrezki kutxa historikoa betirako desagertu da.

Vitalek irailaren 12an aurkeztu zuen kreditu entitateen erregistrotik izena kentzeko eskaera eta Espainiako Bankuak irailaren 19an onartu zuen. Orain, Espainiako Aldizkari Ofizialak argitaratuta, baja ofiziala da. Buletin espainiarrean jartzen duenez, erregistrotik kentzeko arrazoia da Vital “banku fundazio bilakatu” dela.

Tramite hori da aurrezki kutxek banku fundazio bihurtzeko egin behar duten nagusietako bat.Legearen arabera, transformazio horretarako ez da beste baimen administratiborik behar.

Aurrezki kutxek abenduaren 27ra arteko epea dute fundazio bihurtzeko, bestela automatikoki emango zaie baja kreditu entitateen erregistroan. Vitalek, beraz, hiru hilabete gehiago izan zitzakeen bere etorkizunaz eztabaidatzeko, baina bertan agintzen dutenek nahiago izan dute denbora-tarte hori ez hartzea.

Aurreikus liteke BBK erregistrotik kentzeko eskaera ere bidean dela, honek ere ekainaren 30ean erabaki baitzuen aurrezki kutxa izatea utzi eta banku fundazio bihurtzea. Dena dela, Espainiako Bankuak egindako erregistroaren azken eguneraketan, irailaren 25ekoan, oraindik BBK ageri da.